أصل السلالات المحلية

[عامريه ما تنصاد]

بسم الله الرحمن الرحيم

حبيت أن أطرح لكم سلالات قديمه للزمول في دولة الإمارات العربية المتحدة حسب معلوماتي البسيطة والزمول اللي بتنذكر أصلها من الإمارات الشمالية...لأن بعض الناس يطرى على بالهم أن الإمارات الشمالية ما فيها زمول...أو بالأحرى زمول منتجة...ممكن يكون الكلام صحيح لكن الزمول المنتجة في الشرق والغرب أصلها من الإمارات الشمالية

1- مصيحان المعلا أبوه أصيفر المعلا وأمه مصيحه الأوليه نوخوا له هملوله ناقة الشيخ علي بن راشد المعلا وياب منها هملول الشيخ علي بن راشد المعلا واللي بدوره ياب هملول علي بن غدير الكتبي الله يرحمه وأمه الطويله واللي بدوره ياب جبار الشيبة اللي أمه بنت ظبيان ناقة سيف بن سويدان الكتبي

2- مصيحان المعلا بنفسه ياب المسك الشيبة بعير الشيخ أحمد بن راشد المعلا واللي بدوره ياب شاهين الشيبة بعير العواني اللي أمه الشريف الزعابي واللي بدوره ياب شاهين الكليلي وأخوانه

3-صوغان المسافري (صوغان الشيبه) ولد صوغان خليفه بن كاسب المسافري وصوغان بن كاسب ولد صوغان بن دلم الزعابي . صوغان الشيبه قعود عقوره زايد من عرس عبدالله بن سالم بن عبدالله المسافري(صاحب الطياره) وكان ملك علي بن مصبح المسافري وربو القعود لين كبر وياب الطيارة ومياس وسلهود والكايد والساعه والزراف والترس وغيرهن من البوش. يعني أصله من الشمال.

4- ظبيان الأولي اللي ياب بعير بن ساري الأولي أبو عيال ظبيان كلهن ظهر في سيح اللويديه في المدام بالشارقة يعني من الشمال.

5- مسك المعلا بعير الشيخ أحمد بن راشد المعلا-رحمه الله أبو شاهين الشيبة وأبو أصفر الغويص اللي ياب مليح سالم بن محمد الشمطي اللي يسمونه مليح الشيخ خليفة بن زايد واللي بدوره ياب مليح المعزول (الإعتزال).


6-ذيبان سلالة معرفة اشتهروا بها نعيم وبالأخص الصلوف اللي كانوا يقطنون في حفيت في روايات اتقول أن الزمول انقرضن عيال ذيبان لكن على الأرجح في بوش من هالسلالة ويتميزن بشعر غليظ ويكونن مسويات لحي. وفيه بعير ولد ذيبان يملكه سعادة الشيخ حمد بن جاسم بن فيصل آل ثاني رئيس اللجنة العليا لسباقات الهجن في قطرأبوه ذيبان بعير جابر بن حسين البريدي الفائز في عام 1975 في ميدان الفراغ وكانت الجائزة 30 ألف ريال حسب كلام مبارك بن محمد بن ضابت الدوسري




تقبلوا مروري و ياليت بمداخلات بناءة

[حكومة بن جتب]

السلام عليكم

الموظوع طيب لكن تعليق بخصوص سلاله ضبيان وهذا اكيد ضبيان الاولي هو ضبيان الافلاج اسمه القديم وانتاجه ضبيان السبيل اللي عند مبارك بن سهيل المصيجري الاجتبي .
ومن ضبيان السبيل تفرعت سلالته ومن اشهرها الناقه اللي اسمها بنت العرب والناقه اللي اسمها القريعه والبعير اللي اسمه صاروخ بن جتب ومن هذا البعير اللي اسمه صاروخ بن جتب تفرعت سلالته الى ضبيان بوكشه وضبيان وشاح وضبيان النسيم ......... وموظوعه طويل ومافيه ادش اكثر........ واسمحيلي على التدقيق بس حبيت اعطي المعلومه الصحيحه ...

[خيار و عسل]

مشكوورة اختي ع الطرح الجمييل

تقبلي مرووري

[الغر الحشيم]

يسلمووووووووو عالمعلومات

[آلـ غ ــلآ]

تسلمين ع الطرح المميز

[بدويهـ طرر]

يسلموو خيتوو ع آلطرح,,
ونتريآ آلزود من جدآج,,

[جرحـ بدويهـ]

مــشكـؤره الغــاليه ع الطــرح الحـــلـؤ ..

ونتــرقب منـج المـــزيد..

وتقبلـــي مــرؤري ..