المساعد الشخصي الرقمي

مشاهدة النسخة كاملة : رمـــــــســـــتــــنــــا الاولــــــــــيــــه غاويــــــــــه ^_^


•°× ياويــل حــالي ×°•
11-06-2007, 02:09 PM
مررررررررحبا مليووووووون في ذمتيه ولا يسدن


شحااااااااااااالكم ربكم بخير ؟؟؟؟


رمستنا الاوليه... والله انها غاويه الرمسه ليت ايام قبل تعود..نبدأ؟؟
لرزيف: رقصه رجاليــّـــه ...
الردحــــه : رقصه مشهوره عند الحريـّــم ...
البذوار : الطير ( الصغير ) شوي اكبر عن الفرخ ...
الشرياص : الطير الصغير قبل لا ايغدي طير لكنه ايرووم ايطير ..
الصرود : السفره من الخوص ...
الخوص : سعف النخيل ..
الدعووون : هو جدار البيت المصنووع من الخوص اليابس والمترابط بحبل
البارجيل: مكيف الخمسينات ابراج مرتفعه من اللبن يدخل الهوا البارد لها ...
الجازول : اخر الخطام ( اخر الحبل ) ...
الشداد : ما يوظع ع الرجاب كي تجلس عليه وتسيطر به ع الرجاب ..
السردال :امير مراكب الغوص ....
الجيون : اللولو ..
التبر :الذهب ...
الخرج: جيب من السدو...
الحنّــه :الحنطه ......
اليعده :دوا ...
الفلاس : جرار يحطون به ويحفظون به التمر ...
الخرس: وعاء مخرووطي قاعدته مستديره والقاعده لاعلى لحفظ الماء بارد ..
الزل : السجاد ....
الغلس : انسان مايعرف الاتيكيت ف الكلام ....
الزربو: جوارب ... دلاغ ...
الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو ...
البيالــه : فنجان الشاي ... ( استكانه ) ..
الخوّاره : الناقه اللي خارت قواها امررره ..
اليفول : الناقه لي ترتعب من اي شي ...
عونك : بمعنى لبيه او ياك العون ...
الاملح : الاسود ....
مملوح : وسيم ..
اليفره او الجفره: الحفره ..
نهي : بمعنى ذهب اي سار
هيد: ..توقف او تريث
زويه : تطلق على الحَمّام قديما
طنب : القطعة التي تصل ما بين زوايا الخيمه
العرقوب : المرتفع من الأرض
غدف : خلف او بعد الشيء
السولعي : ذات الرقبه الطويله
الحر: نوع من انواع الصقور
الدقل : عمود الساريه للسفينه
الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا
السقا والثبر :... اي المد والجزر
يونيه : تطلق على الخيشة
الظو : يطلق على النار
السبلة : تطلق على الحجرة
المنز : تطلق على مهد الطفل
البيدار : تطلق على اللي يشرف على المزرعه
يواقع : معناتها اللي يعصب او يصارخ على غيره
يزقر : معناتها ينادي
طـــــريت : ( ذكــرت أو قلــت ) ..
غبـــــنه : ( غـــــصه ) ..
حشــــى عليه : ... ( للانكـــار ) ..
صـــــوحي : ( ســــــري ) ...
يبــــوح : ( يفشي).....
ســـــرى : ( رحــــل ) .....
ضــــوى : ( رجــــع)
قيـــــلت : ( اليلـسه في مكان معين لين فتره الظهر)...
المبيـــت : ( ييلس الشخص في مكان معين لعده ايام).....
عــزرت : ( اجبرت) ....
يواجع : معناتها اللي يعصب او يصارخ على غيره
غثيتنـــــا : ( أذيتنـــــــا ) ....
الغشيـــــم : ( اللي ما يعرف شي ) ....
انعتنـــــي : ( دلنـــــي ) ...
ســـرينــا : ( روحنـــــا ) ...
جــــدى : ( صــــوب ) ...
هووود : عند الدخووول الى أي مكان ...
يا لقعتيه : ( يا مصيبتيه)
يا عثرتيـه : ( يا مصيبتيه)
انقفض : ( استعيل)
خــاري : ( برع )
صدعه : (حشره أو ازعاج)
السيح : المكان الواااسع المترامي الاطراف
هذربان : كلاام ورمسة مستمرة
هــــــــزرك : ( ظنـــــــك )
طبـــــــزني : ( ضــــربني )
هدمنيه: ( رقدنيه)



شو رايكم؟؟
الله يحفظكم من كل شر
السمووووحه ع القصـــــــور





•°×WeElLoOoHh×°•
رمش الغلا81
11-06-2007, 06:45 PM
تسلمين يا ويل حالي على الطرح


ربي يعطيج العافيه


وننتظر منج الزود
بدوية مرتبشة
12-06-2007, 02:34 PM
تسلميـــــــــــــــــــــــــــــــــــن والله عالموضووووووووووووع ^ ـ ^
وفي كلمات لين الحين نقولها

ونتريا كل يديد من صوبج

خويتج
بدوية مرتبشة
ولد بن كاظم
12-06-2007, 02:41 PM
مشكووور خيتوو ع الموضوع
•°× ياويــل حــالي ×°•
12-06-2007, 08:14 PM
تسلمين يا ويل حالي على الطرح


ربي يعطيج العافيه


وننتظر منج الزود




تسلمين حبووبه ع المرووور...
•°× ياويــل حــالي ×°•
12-06-2007, 08:15 PM
تسلميـــــــــــــــــــــــــــــــــــن والله عالموضووووووووووووع ^ ـ ^
وفي كلمات لين الحين نقولها

ونتريا كل يديد من صوبج

خويتج
بدوية مرتبشة



فديتج والله تسلمين حبوووبه ع المرووور..
•°× ياويــل حــالي ×°•
12-06-2007, 08:20 PM
مشكووور خيتوو ع الموضوع




تسلم اخووويه ع مرووورك,,,
الولايات المتحده البدويه
13-06-2007, 02:46 AM
مشكووره ختيه
•°× ياويــل حــالي ×°•
20-06-2007, 01:48 PM
تسلمووووون الغلا ع المرووور..
لا خليت
20-06-2007, 09:54 PM
روووووووووووووعه
رهايف
21-06-2007, 08:04 AM
المبدعه دومــا( يا ويـل حالي)

تسلمين عالمموضوووع الاكثر من رائع....ربي يعطيج العافيه

ولا تحرمينا مـن تـوصلـج غنـاتـي
ريحة الهير
24-06-2007, 05:32 PM
يسلموووووووووووووووووووووووووووووو
•°× ياويــل حــالي ×°•
26-06-2007, 12:55 PM
تسلموون الغلا ع مروووورك الغالي علي
الغرنجيه
01-07-2007, 09:53 AM
تسلمين يالشيخه على الموضوع الرائع