لعبة تفسير الامثال

[•ミ المكـَـ ح ــلミ•]

السلام عليكم ورحمة الله وبركاته

شحالكم؟

اليوم يايبلكم لعبـــــــة حلوة وخفيفة

وهيا عبارة ان ننزل مثل والي يحله

ينزل مثل عقبه وعلى هذا المنوال

وان شاء الله تنال اعجابكم ونشوف

تفاعلكم الحلو

وأنا ببدأ بمثل سهل


((يوم تعقص الرخمه))

[اللحظة الأخيرة]

و عليكم السلام و رحمة الله و بركاته

يسرك الحااااال

تسلم عاللعبة الطرررررر

و تفسير المثل هو

اممممم الرخمه نوع من الطيور و اكيد انها ما تعقص

عاد يوم تبا شي ولا تطلب شي و لا بتلقاه..... يقولون هالمثل.... يعني مستحيل

احم.. الصراحه ماعرف أشرح بس ان شالله لقطتوا شي:biggrin2:

المثل الثاني هو

>> يوم تلقح الصفيرا و تيب قعود <<____> تراه مسروق ^_^

و السمووووووووحه

,
,
,

[رمش الغلا81]

تســــــــــــــــــــــلم يا المكــــــــــــحل على اللعبه الحلووووووووه

الله يعطيك العافيه



واشكر اخويه عكس قانووونه على المثل اللي حطه

وانا اقول الصفيرا يقصد بها الناقه وهذا اسم من اسماء البوش
شرح المثل يمكن ايكون

ينقال حق الواحد اللي يتمدح يبا ايسوي الشي ومايرومله

والا يوم تبا شي ولا تطلب شي و لا بتلقاه..... يقولون هالمثل

عوني اشرح لاتضحكون على شرحي
خخخخخخخخخخ



وانا احط مثل وقووووووووول

يوم تطير الطيور طار بو بعيره وراهن

[•ミ المكـَـ ح ــلミ•]

مرحبا

عكس قانونه ماصدقت وعطيتك مثل<<<هفه الصبي


والحل لمثلك

الصفيرا ناقة وهيه صفرا ومرة ماطاعت تلقح واستحالوا انها تلقح

ووعاد انه اي شيء لايمكن ان يتحقق ينطبق عليه المثل


ومثلي


بعيد عن خشمك

[الدلوعة]

يعني تحلم بهالشيء

او مستحيل

وهالمثل ينقال للتحدي

والمثل لي بحطه

لو كان فيه خير .. ما عافه الطير

[همس قلبي]

ينقال هالمثل يوم حد يبا ياخذ شيء وحد من قبله هادنه

مثال يوم واحده يبا يعرس ولي يبا ياخذها مطلقه

ينقاله هالمثل


والمثل لي بحطه

للبحر له ناس لفيحه .. يعرفون التوح من اليره
موب كل من تاح سريحه .. قال هذا خيط وبيّره