دعوة الى الجميع

[الحرف العنيد]

بسم الله الرحمن الرحيم

السلام عليكم ورحمة الله وبركاته


موضوعي أخواني وأخواتي يدور حول شوابنا ... ومجالستهم ..

في مثل يقول : البيت اللي مافيه ياهل وشايب لابركةٍ فيه

فالمعروف أن الشواب هم بركة البيت .. والبيت اللي فيه شيبه ولا عيوز بتلقونه بيت عامر
والزيارات والناس داخله وطالعه عليهم .. بمناسبة ولا غير مناسبة ..

لكن هل أنتم يا أصحاب البيت تجالسون شوابكم .. ترمسونهم .. تاخذون وتعطون معاهم في الكلام .. ؟؟ ولا فكرتكم ان هذيلا شواب ومخرفين .. واليلسه معاهم مضيعه للوقت .. ؟؟

أطلب منكم يا أخوان وهاي نصيحه من أخو مجرب .. استغلال هالفرصه فالقعده معاهم ممتعه والحديث معاهم شيق .. انا شخصيا أعتبره فترة استراحه .. اسافر مع كلامهم الى الماضي الجميل الذي لم نعشه .. الى الحياه البسيطه .. الى حياة القوة والشجاعه .. فكم أتمنى أن اعيش وطرهم اللي عاشوه لو يوم واحد فقط ..

حتى أن الله عزوجل .. يستحي أن يحاسب عبده الكبير في السن محاسبة الشاب .. لما للشايب من وقار واحترام

واعلموا أنه كما تعاملون أهلهم واجدادكم .. سيأتي أبناءكم واحفادكم في المستقبل ليعاملوكم بنفس الطريقة والاسلوب ..

لن أطيل الحديث معكم .. لكن أدعوا لكم بطولة العمر .. ولا تنسون دعوتي لكم بمجالسة أهلكم وخصوصاً الشواب


لكم كل الود والتقدير

[[ قلب مضنوني ]]

تسلم اخويه الحرف العنيييد عالموضوع والله انهم شوابنا احلى شي فالبيت والله لو مب هم مالي يلسة فالبيت يعلني افداااهم


ومشكووور مرة ثانيه عالطرح


اخوووك


مقدر اجامل


والسمووووحه

[سهيل الكتبي]

الله يطول فـ عمارهم ..

من دونهم البيت مايسووي ..

تسلم أخوي ع الموضوع الرائع ..

ربي يعطيك العافيه ..

[همس قلبي]

تسلم اخوي ع الموضوع

انا احب ايلس عند شيبتيا

بس يوم يندمج فالسوالف ما ارووم اتفجج منه

[بنوتة راك]

تسلم اخويه

فديت شوابنا انا خخخخخ

[الحرف العنيد]

وتسلمون كلكم على اطلالتكم الجميلة