بعـت الغنـم بالـزّمـر ولي ياني مغيّــر بزيـده لبعيّــر

[يـآس]

(( بعـت الغنـم بالـزّمـر ولي ياني مغيّــر بزيـده لبعيّــر ))

هذا المثل له قصه بذكرها وينقال في الشخص اللي يضيع كل

اللي عنده من فلوس او ممتلكات او غيره بسبب عدم تفكيره او

استهتاره او بلادته ..



قصة هذا المثل

عن راعي عنده غنم وعنده بعد الله يسلمكم

ابعير وهو شخص بليد ..

فيوم من الايام وهو طالع يرعى سمع زمر يعني واحد يالس

يعزف على هالمزمار وعيبه ..

فسار لين ما وصل عند مكان الصوت وحصل هالريال اللي يالس

يزمر ..

السلام عليكم ..

وعليكم السلام ..

قال شو ها فيدك ..

قاله ها يسمونه زمر ..

قال الراعي احينه هالصوت كله يطلع منه ..

قاله هذاك هيه هالصوت كله منه ..

فمن غباء الراعي قاله اشرايك اعطيك هالغنم وتعطيني

هالزمر ..

هذاك نزلت عليه من السما قاله ابشر ..

خذ الراعي الزمر وقش هذاك الهووش وروح ..

يوم يا الراعي يبا يعزف ما عرف فتم يغني .. بعت الزمر بالغنم

واذا ياني ..

مغيّر يعني ما كفــّـنه الهوش يعني مغير رايه ..

بعدني بزيده لبعير اللي باقي عندي ..

الغباء والبلاده واصله حدها فيه بس وايدين مثله في هالزمن

اللي يضيعون اموالهم في اللي

ما يسوى وبدون تفكير ..




وان شاء الله تعيبكم قصة هالمثل

منقوووووول

والسموحه ع القصور

[oo قماري oo]

(( بعـت الغنـم بالـزّمـر ولي ياني مغيّــر بزيـده لبعيّــر ))

كل الامثال اللى نسمعها ومتداوله بين الناس لم تاتى من فراغ ,, ووراء كل مثل قصه ,,,,

وقصه هالمثل حلوه ,, مسكين تخبل ع الزمر


وتسلم دلعوه هله ,,,,,

ودمتم بعافيه

[يـآس]

قصه طريفه

ولكن هذا الواقع فالبعض يجري وراء النفس والنفس أن لم تتحكم بها فأنه تتحكم بك

نفسه بغت زمر

خل زمر ينفعه عيل

وشكراً لك على ما تفضلت به




بالفعل قصة طريفه خلفت وراها مثل .. الين اليوم عايش
سبحان الله

وخل الزمر ينفعه على قولتك اخويه
تشرف والله بمرورك الطيب

[يـآس]

(( بعـت الغنـم بالـزّمـر ولي ياني مغيّــر بزيـده لبعيّــر ))

كل الامثال اللى نسمعها ومتداوله بين الناس لم تاتى من فراغ ,, ووراء كل مثل قصه ,,,,

وقصه هالمثل حلوه ,, مسكين تخبل ع الزمر


وتسلم دلعوه هله ,,,,,

ودمتم بعافيه



الله يعافيج اختي قماري .. سعيد بهذا المرور الطيب
جعله الله دايم

وفعلا الامثال كثيره وجميل ان نعرف قصصهم ..
وهذا موروث الاجداد وحكمة
يتعلمها الابناء

[اسيره الغربه]

يسلمووو عــ القصهــ ^^



ونترياا اليديد ^^




اسيـرهـ الغربهـ

[يـآس]

الله يسلمج يا اسيرة العزبة

شكرا على المرور